Aklanon News: Tampipi ukon 'bayong' it Aklan hanotisyahan sa Boracay

  • August 13, 2017
  • Venus G. Villanueva

KALIBO, Aklan, Agusto 13 (PIA6) --  Ro ginpaisot nga “bayong” ukon tampipi kon tawgon sa Aklan nga himo sa buli hay maeayo eon ro haabtan – bangud hanotisyahan ra it sangka nagapanguna nga resort sa isla it Boracay ag ginagamit makaron nga sueudlan it mga “souvenir items” ag sari-sari pa para sa mga bisita kara.

Sa pagkapan-o it “bayong” ngara, nag-abot man ro tsansa it mga simple nga manug-obra kara sa Aklan nga magkita it kadugangan nga kwarta ag higamit ro mga owa ginasapaka nga mga gaeamiton nga makit-an man haeos sa tanan nga parte it Aklan, ro mga puno it buli.

Owa ginakueanga ro probinsya it Aklan sa mga maabtik nga mga “entrepreneurs” – ro pila kara hay nagatutok sa paghaboe it pina ag abaca, pagproseso it mga pagkaon halin sa karne, sa bakery, mga pangregalo ag iba pang kagamitan kon siin ro pila kanda hay nakabaton eon it pang nasyonal, rehiyonal ag probinsyal nga pagpadungog bangud sa kalidad it produkto nga andang gina obra ag ro bulig nga andang ginaamot sa ekonomiya ag sa komunidad paagi sa mga trabaho.

Siguro, si Carmela Tamayo, it Tamayo Handicrafts nga imaw rong naga deliver it mga “bayong” nga himo sa buli sa Shangrila –Boracay Resort and Spa, hay owa gid maghuna-huna nga istoryahon imaw it resort nga mag-supply idto kara.

Siguro, bilang sangka simple nga Aklanon “entrepreneur”, gusto eang nana mag-obra it “bayong” ngara agud hipabilin ro presensya kara sa isip it mga Akeanon.

Pero hataeupangdan ngani ro simple ngara nga tampipi. Bisan si Senador Bam Aquino, nga nag-atender ku ginhiwat nga Aklan Pina and Fiber Festival ku dag-on ngara hay hanotisyan ra ag haistorya si Carmela nga nangin sambilog sa mga exhibitor hanungod sa potensyal it tampipi ngara.

Si Senador Bam Aquino ro responsable sa pagtuga it “Go Negosyo” Act.

Ro tampipi ngara nga himo sa buli ku unang mga tiyempo, hay mas maeagko, ag importante gid sa sangka Aklanon nga nanay ro pagbitbit kara kon magpanindahan sanda.

Dikara ginabutang sa mabahoe nga tampipi ngara nga kon ikumpara sa makaron nga ginaobra hay mas maistan ag mahambae nga raya ro “nanay” nga tampipi, ro mga pinamakae sa tindahan pareho ku pilang gantang nga bugas, ugang ibis, prutas, tinuea, mga panakot ag iba pa.

Sa pagkanotisya it Shangrila-Boracay sa “bayong” nag order sanda it 200 kada dominggo, ngani si Carmela hay nag-usoy it mga sub-contractors agud makadaea imaw idto it nasambit nga gusto nga kaabuon nga “bayong”.

Sangka grupo nga ginapanan-aw nga magabenefisyo halin sa habaton nga bugna ni Carmela hay rong grupo it Altavas ag Batan nga mga kababayihan nga mga biktima it Bagyong Yolanda nga ginpili ku mga LGU kara nga mag-entra sa Small and Medium Enterprise Roving Academy (SMERA) it Department of Trade and Industry (DTI).

Ro SMERA hay nagatao it sari-saring paghanas sa mga grupo ukon personalidad nga may potensyal nga mangin Micro, Small and Medium Enterprises (MSMEs), ag sin-o pa abi ro nagakadapat nga maghanas sa grupo it Altavas-Batan sa pag-obra it mga tampipi kundi si Carmela?

Ngani ku nagtaliwan nga buean, sa pagdumaea it DTI-Aklan, rayang grupo hay ginhanas ni Carmela nga may potensyal nga mangin katuwang nana sa pag supply it mga “bayong” sa Shangrila-Boracay.

Ro mga puno it buli hay abu sa Altavas ag Batan, nga nagatubo eamang sa mga bakante nga lote sa kapatagan man ukon sa kabukiran.

Raya hay mahimo nga sangka paagi para sa  20 nga mga biktima it Bagyong Yolanda halin sa daywang ka mga banwa nga magkita it extra, imaw man ro pagsustener ag pag preserbar sa rayang sinauna nga hilimuon agud indi malipatan, bangud man sa mga moderno nga mentalidad it mga ulihing tubo nga gustong ro bitbiton kon magpamakae hay mga “branded” nga plastic ag paper bags.

Ro paggamit it “bayong” hay mangin suporta man sa “no plastics” nga ordinansa it banwang Malay, kon siin ro Boracay makit-an, ag ro “Green Economy” Development Program it DTI – sambilog sa mga tikang ag adbokasiya it ahensya sa pagpahagan-hagan it epekto it Climate Change.

Siguro kon makita nanda ro mga turista sa isla it Boracay nga sari-sari ro mga nasyonalidad nga nagabitbit it “bayong” pauli sa andang lugar hay makapabugae man ro mga Aklanon, bangud ro sangka lokal, maisot ag simple nga “bayong” nga himo sa Aklan hay maeayo ro maadtunan ukon maabot. (JSC/VGV/PIA6 Aklan)

 

 


Other News

DepEd, other agencies participate in the HDPR Community Forum and Serbisyo Caravan
  • August 21, 2017
PASIG CITY, Aug. 21 – To ensure that students, parents, and other stakeholders have the necessary information on its priority programs and projects, the Department of Education (DepEd) participated at the Community Forum and Serbisyo Caravan held on 12 August 2017 at the Commonwealth Elementary School in Quezon City.   With the theme, Edukasyon, Kalusugan, at Proteksyon, this inter-agency initiative aimed to bring government services directly to the people from the various government agencies under the Human Development and Poverty Reduction (HDPR) Cabinet Cluster.   The ...Read more
DepEd inks pacts with educ partners, receives donations for learners
  • August 21, 2017
PASIG CITY, Aug. 21 – Department of Education (DepEd) Secretary Leonor Magtolis Briones expressed her gratitude toward various education partners for always putting high value and extending help and assistance to the education sector.   The Education Chief conveyed this during the ceremonial turnover of donations for learners and signing of Memorandum of Agreements (MOA) with DepEd partners on 10 August 2017 at the Bulwagan ng Karunungan, DepEd Central Office in Pasig City.   “DepEd is feeling very blessed and spoiled because we are always number one whenever a business in...Read more
ALC Foundation celebrates World Bamboo Day with ​​‘Camp Kawayan’ bamboo planting event
  • August 21, 2017
  Got nothing to do this September? Are you looking for an exciting adventure with a cause for your family and squad? Join Kawayanihan 2017: Camp Kawayan and be a bamboo warrior!   In celebration of World Bamboo Day 2017, ALC Foundation is organizing a bamboo planting trail dubbed as “Camp Kawayan” under its Kawayanihan project. The half-day event hopes to gather around 2,000 volunteers from Metro Manila, Central Luzon, and South Luzon along the riverbanks of San Mateo, Rizal (starting from Dulongbayan 1) on 23 September 2017, 6 am onwards.   It is hoped that this uni...Read more
Exclusive breastfeeding campaign continues in CDO
  • August 21, 2017
CAGAYAN DE ORO CITY, Aug. 21 (PIA) – In an episode of Talakayan sa PIA on 15 August 2017, Department of Health (DOH) region 10 explained the importance of mothers giving exclusive breastfeeding to their newborn up to six months. This is a crucial stage wherein a mother’s milk is what the baby needs and nothing else. Apart from that, this is where the baby gets all the nutrients and immunity to survive the world outside the womb. Gilda Ajoc, Baby Friendly Hospital Initiative Program Coordinator of DOH region 10 shared that some mothers might think that they don’t have the milk or ...Read more