Aklanon News: Aklanon nga 'centenarian' prutas ag tinuea ro paboritong pagkaon

  • May 20, 2017
  • Venus G. Villanueva

KALIBO, Aklan, Mayo 20 (PIA6) --  Kon gusto mo nga mag abot sa edad nga 100 ag pasaka, magkaon ka it prutas ag tinuea, agud mangin pareho ka it sangka lola sa Aklan nga sa edad nga 117 hay mahimo nga imaw makaron ro pinakamagueang nga persona sa Pilipinas kon bukon man it sa bilog nga kalibutan.

Sa 30 nga mga “centenarians” ukon rato nga mga tawo nga naga edad it 100 ag pasaka nga nagbaton it tig P100,000 bilang insentibo sa pagkilaea ku andang mahaba nga kabuhi ag kontribusyon sa pagtukod it nasyon, pinasahi si Lola Radigondes Burnasal ku oras ngato bangud imaw ro pinakamagueang.

Kato ku Mayo 4, 2017 nga nagbaton imaw in insentibo nana nga P100,000, 116 pa eang ra edad, pero ku Mayo 9 hay nag 117 eon imaw bangud natawo imaw ku Mayo 9, 1900, nga nakit-an man sa listahan it Department of Social Welfare and Development (DSWD).

Agud mapamatud-an nga 117 gid imaw, ginpakita ku anang mga unga ro anang ‘birth certificate’ sa sangka estasyon it radyo nga naka pakig-angot kana ku pagbaton nana it insentibo nga nagpakita nga imaw gid man ro anang edad makaron.

Kat ginpangutana it estasyon it radyo kon ano ra sekreto sa mahaba nanang kabuhi, ginhambae nana nga haeos puro prutas ag tinuea eamang ro anang ginakaon.

Nakasakay imaw sa wheelchair ku pagbaton nana ku anang P100,000, pero hambae ku anang mga unga, kon idto imaw sa anda hay nagapanghilamon pa imaw bilang pag ehersisyo.

Solo man kuno imaw nga nagapanaw agud magsimba.

Aktibo man ro anang pamatin-an, bangud sa pagpakig-angot kana sa mga estasyon it radyo, kaisaea eamang ro pagtao it mga pangutana kana ag eagi-eagi man nana nga ginasabat.

Bangud 117 eon ra edad, nagsugid man imaw nga nagabatyag man imaw it pagsakit ku anang hawak kon amat.

Mabahoe gid suno kana ro anang pagpasaeamat sa Ginuo sa pagtao kana it mahaba nga kabuhi ag siyam (9) nga mga unga nga padayon nga nagadepara ag nagapalangga kana.

Bisan sa Tigayon, Kalibo, Aklan eon makaron ga estar si Lola Radigondes, imaw hay natawo sa Janlud, Libacao, Aklan ku nasambit nga petsa.

Mabuhay eon man nga tumaliwan ro anang asawa.

Sa 30 nga mga Aklanon nga gintaw-an it tig P100,000 it DSWD  ku Mayo 4, may habilin pa nga mga centenarian sa probinsya nga ro andang mga record hay ginabalidar pa kon baea kwalipikado man sanda nga magbaton it insentibo.

Ro ginapanao nga insentibo hay suno sa ginamando sa idaeum it RA 10868 ukon Centenarian Act of 2016.

Sa listahan nga gintao it Provincial Social Welfare and Development Office (PSWDO), sa 30 nga mga centenarians hay Kalibo ro may pinaka abu nga may waeo (8); ginsundan it Banga ag Tangalan nga may tig ap-at (4); Libacao, 3; Lezo, Madalag ag Makato nga may tig 2; ag Altavas, Batan, Ibajay, Nabas ag New Washington nga may tig sambilog (1).

Suno  kay Evangelina Gallega, Provincial Social Welfare and Development Officer, ro DSWD ag ro PSWDO-Aklan hay magatipon it mga record it iba pang centenarian sa bilog nga Pilipinas agud masayran kon si Lola Radigondes gid man ro pinakamagueang sa Pilipinas, ag basis sa kalibutan man. (JSC/VGV/PIA6 Aklan)

 

 


Other News

BPO tops job vacancy list at PhilJobNet - DOLE
  • August 24, 2017
MANILA, August 24 (PIA) – The Department of Labor and Employment (DOLE) reported that business process outsourcing (BPO) was listed on the Top 20 Job Vacancies at PhilJobNet, an internet-based job applicant matching portal.   According to the Bureau of Local Employment of DOLE, the BPO service posted a total of 8,588 vacant jobs wherein more than half or 4,487 vacant positions are for call center agents.   Other jobs posted online are Staff Nurse with 545 vacant positions; Specialized Nurse – 400; Line Installer – 400; Customer Service Assistant – 321; Food Server – 300...Read more
DA: Cagayan Valley is bird-flu free
  • August 24, 2017
TUGUEGARAO CITY, Cagayan, August 24 (PIA) – The Department of Agriculture (DA)  in Cagayan Valley assured the public that region 2 remains free from avian influenza, also known as bird flu.   Narciso Edillo, regional executive director, said despite this assurance, they are still implementing precautionary measures to bar possible entry of poultry and poultry products coming from the 7km radius bird flu-infected areas in Pampanga.   He said they intensified their monitoring and checkpoint activities especially in Nueva Vizcaya and Quirino to prevent the possible entry of poult...Read more
DILG to LGUs: Ensure public compliance to smoking ban
  • August 24, 2017
MANILA, Aug. 24(PIA) -- The Department of the Interior and Local Government (DILG) said local chief executives should undertake efforts to inform persons-in-charge of their key role in the implementation of Executive Order No. 26 as well as their duties and obligations under the said law.   In a statement, the DILG said local government units should ensure the support and compliance of company and school heads and other persons-in-charge to the nationwide smoking ban or the latter will be held liable and face corresponding sanctions if they fail to do so.   EO 26, which took eff...Read more
QC Mayor Herbert Bautista all praises for PH athletes in SEA Games
  • August 24, 2017
  Agatha Wong gets gold in Wushu for PH sixth #SEAGames2017 QUEZON CITY, Aug. 24 (PIA)-- Mayor Herbert M. Bautista has extended congratulations to the athletes competing in the ongoing 29th Southeast Asian Games in Kuala Lumpur, Malaysia.   “On behalf of the people of Quezon City, let me congratulate  Reyland Capellan and Kaitlin de Guzman and our bets in triathlon, wushu, sepak takraw who will come home with medals. Of course, the entire Philippine team deserves commendation. By earning the right to carry our nation’s colors is in itself a victory and recognition of you...Read more