Tagalog news: 5 bayan sa OrMin, pinarangalan sa maayos na koleksyon ng buwis

  • August 10, 2017

LUNGSOD NG CALAPAN, Oriental Mindoro, Agosto 10 (PIA) – Limang bayan sa lalawigan ang pinarangalan kamakailan ng pamahalaang panlalawigan dahil sa mahigit 100 porsiyentong collection efficiency ng mga ito sa real property tax (RPT) noong nakaraang 2016.

Nakuha ng Puerto Galera ang Rank 1 sa collection efficiency na 200.25 porsiyento. Sa target na P15.419 milyon, umabot sa P30.876 milyon ang kanilang total RPT collection.  Tinanggap ni  Municipal Treasurer Crisol R. Calda ang plake para sa kanila ni Mayor Rockey D. Ilagan.  

Rank 2 ang Gloria na may 158.68 posiyentong collection efficiency.  Sa target na P7.230 milyon, naabot nila ang P11.472 milyon RPT collection. Tinanggap naman ni Municipal Treasurer Merlita M. Larga ang plake nila ni Mayor German D. Rodegerio.

Nakamit ng Roxas ang Rank 3 na may 126.64 porsiyentong collection efficiency. Umabot sa P12.411 milyon ang kanilang RPT collection mula sa target na P9.8 milyon. Si Municipal Treasurer Luz F. Lago ang tumanggap ng plake nila ni Mayor Violeta L. Dimapilis.

Nasa Rank 4 ang bayan ng Naujan na may 123.21 milyon collection efficiency dahil sa P21.583 milyon RPT collection mula sa target na P17.518 milyon.  Ang plake nila ni Mayor Mark N. Marcos ay tinanggap ni Municipal Treasurer Arleen B. Gutierrez.

Samantala, Rank 5 naman ang Bansud na may 120.85 porsiyento collection efficiency.  Mula sa target na P5.996 milyon, umabot sa P7.246 milyon ang kanilang RPT collection.

Ayon kay Officer-In-Charge Provincial Treasurer Astronica G. Salcedo, ito ang kauna-unahang pagkakataon na nagkaloob ng ganitong parangal ang Pamahalaang Panlalawigan.

Pinangunahan ni Gob. Alfonso V. Umali, Jr. kasama sina OIC-Office of the Provincial Administrator Dr. Romeo G. Infantado,  OIC-Provincial Treasurer Salcedo at Provincial Assessor Onisimo Naling ang paggawad ng plake ng pagkilala sa simpleng seremonya na ginanp sa Halcon Hall ng Kapitolyo.

Ayon kay Infantado, pangunahing layunin ng pagkakaloob ng ganitong pagkilala ay upang magpursigi pa ang mga munisipyo na pataasin ang kanilang koleksyon ng buwis partikular ang RPT na siyang pinagkukunan ng malaking revenue ng lalawigan.

“Congratulations for a job well done," ang ipinaabot ni Gob. Umali sa mga municipal treasurer.  Sinabi pa ng gobernador  na hinihikayat niya ang mga pamahalaang bayan sa lalawigan na magpursigi upang makakuha rin ng Seal of Good Local Governance (SGLG) mula sa Department of the Interior and Local Government (DILG) sapagkat maraming proyekto ang kaloob ng naturang parangal.

Ayon pa sa gobernador, nakatakda ring magbigay ng katulad na award ng SGLG ang Pamahalaang Panlalawigan na planong simulan sa Founding Anniversary ng lalawigan sa darating na ika-15 ng Nobyembre.  Ang criteria na gagamitin ay mula sa SGLG at Galing Pook.  Makatatanggap din, aniya, ng cash prize ang mapipiling Most Outstanding Municipality gayundin P1 milyon sa iba pang kategorya tulad ng agriculture, tourism at financial housekeeping.  Bukod pa rito, nasa plano rin ang paghirang sa 10 outstanding barangay sa lalawigan.

Binanggit din ng gobernador ang ilang public private partnership projects na ipatutupad sa natitira pang dalawang taon ng kanyang panunungkulan.

Ilan sa mga ito ay ang Provincial Demonstration Farm sa Barangay Merit, Victoria na gagawing agri-tourism center, ang pagtatayo ng Mindoro Railway System na magkokonekta sa Oriental at Occidental Mindoro, ang pagdurugtong sa 69KV transmission line ng National Power Corporation upang masuplayan ng kuryentre ang buong isla ng Mindoro at ang paglalagay ng solar energy sa Kapitolyo at Oriental Mindoro Provincial Hospital (OMPH).

Samantala, ipinagkaloob naman nina OIC-Provincial Treasurer Salcedo at Provincial Assessor Naling kay Gob. Umali ang plake ng pagkilala na nilagdaan ni OIC-Regional Director Aida B. Abregana ng Department of Finance Mimaropa dahil sa malaking suportang ipinagkaloob ng Pamahalaang Panlalawigan sa Lungsod ng Calapan na nakakuha rin ng mahigit sa 100 porsiyentong collection efficiency sa kanilang RPT collection noong 2016.

Tumanggap din ng plake ng pagkilala mula sa nabanggit na ahensya sina OIC-Provincial Treasurer Salcedo at Provincial Assessor Naling dahil sa naabot na 113 porsiyentong collection efficiency ng lalawigan.  Mula sa total revenue target na P143.73 milyon ng lalawigan, umabot ito sa P162.28 milyon total revenue collection. (CPRSD/LTC/PIA-Mimaropa/Calapan)


Other News

High, Inclusive Growth Plan starts picking up steam
  • August 18, 2017
MANILA, Aug. 18 -- Finance Secretary Carlos Dominguez III said the Gross Domestic Product (GDP) expansion of 6.5 percent in the second quarter is “solid proof” that the government’s “unparalleled” investment strategy anchored on the ‘Build, Build, Build” program has started to “pick up steam,” and is on course to steering the Philippine economy towards a growth path of 6.5 to 7.5 percent for 2017.   Dominguez expressed the hope that the Senate would help the government meet this high growth target by passing soon enough—and in full—its own version of the compre...Read more
DSWD-7 gives free meds, cash grants, trainings under Lingap sa Masa
  • August 18, 2017
CEBU CITY, August 2 (PIA) --- More than a thousand indigent people in the region accessed free medicine through the Libreng Gamot Para Sa Masa or LINGAP SA MASA Program of the Department of Social Welfare and Development (DSWD) Region-7.  Social Welfare and Development (SWAD) Cebu Team Leader Timotea Gadapan said that 1,656 patients were admitted at Vicente Sotto Memorial Medical Center (VSMMC) up to P75,000 worth of medicines per patient as of July 25, 2017. LINGAP sa Masa, which began in Februray, has a budget of P121 million, of which P 18.7 million or 15 percent have already been...Read more
DTI-7 launches Kapatid “Mentor Me” Program Batch 3
  • August 18, 2017
CEBU CITY, August 2 (PIA) -- The Department of Trade and Industry (DTI) in Region 7, in cooperation with the Cebu Chamber of Commerce and Industry (CCCI) and Go Negosyo, launched the Kapatid “Mentor ME” Batch 3 and Aral Negosyo-Angat Kapatid Countryside Negosyo Program at the Marco Polo Plaza Hotel today. Twenty-eight micro, small and medium enterprises (MSMEs) comprised the 3rd batch of mentees under the Kapatid Mentor Micro Entrepreneurs (KMME) Program. The mentees tackled Module 1 (Enterpreneurial Mind-Setting and Deepening-Values) and Module 2 (Enterpreneurial Marketing Minds...Read more
EDC Negros-wide quiz bee semi-finals set
  • August 18, 2017
NEGROS ORIENTAL, Aug 2 (PIA) -- The Energy Development Corporation’s (EDC) Negros Island Battle of the Brains (BOTB) kicks off this month of August, with elimination rounds scheduled in five areas of Negros: Bacolod City on August 7, Bago on August 9, Kabankalan on August 11, Dumaguete City on August 15, and Bais on August 17. The regional science trivia contest is open to the all junior and senior high schools in Negros Island Region (NIR). EDC Corporate Communication Officer Frances Ariola said the youth of Negros are highly encouraged to join, if not as contestants, then as audienc...Read more