Tatlong bayan sa Lalawigan ng Batangas, idineklarang nasa State of Calamity

  • April 12, 2017

LUNGSOD NG BATANGAS, Abril 12(PIA)- Idineklara ang tatlong lugar sa lalawigan ng Batangas sa nasa ilalim ng State of Calamity matapos ang lindol na naranasan dito kamakailan.

Sa special session na isinagawa ng Sangguniang Panlalawigan, idineklarang nasa state of calamity ang mga bayan ng Mabini at Tingloy at Lungsod ng Batangas matapos ang mga epektong naranasan matapos ang magkasunod na paglindol noong nakaraang Sabado, Abril 8.

Naranasan ang 5.6  magnitude earthquake sa pagitan ng Mabini at Tingloy bandang 3:08PM noong Abril 8 na sinundan ng isa pang pagyanig na tinatayang nasa magnitude 6.

Bunsod nito, agarang nakipag-ugnayan ang pamahalaang panlalawigan sa pamamagitan ng provincial Disaster Risk Reduction and Management Office (PDRRMO) sa mga local disaster officers sa lahat ng bayan at lungsod sa lalawigan.

Sa tala ng PDRRMO sa kabuuan ay may 3,508 apektadong pamilya o 11,348 na Batangueno sa iba’t-ibang bahagi ng lalawigan. May naitala ring 810 na partially damaged houses at 822 na totally damaged houses.

Malaki ang mga pinsalang natamo sa bayan ng Mabini kung saan may naitalang injured, pagkasira ng isang resort, pagguho ng seawall, pagkasira ng ilang bahagi ng Mabini General Hospital at ilang bahagi ng Anilao Market. Karamihan din sa mga residente sa naturang bayan ay pansamantalang humimpil sa harap ng munisipyo dahilan sa takot na naranasan.

Sa bayan naman ng Tingloy,maraming mga bahay ang nasira at nagkaroon ng pagguho ng mg abato mula sa itaas gayundin ang pagkasira ng eskwelahan.

Malaki naman ang naging pinsala sa Basilica Immaculada Concepcion kung saan may bahagi nito na gumuho dahilan sa katandaan na ng simbahan. Ang mga pasyente naman sa iba’t-ibang ospital sa lungsod ay nanatili sa labas ng gusali upang masiguro ang kaligtasan sakaling magkaroon ng mga aftershocks.

Ayon kay Governor Hermilando Mandanas, hindi nagpapabaya ang pamahalaang panlalawigan dahil agarang tulong ang ibinibigay nila sa pangangailangan ng mga apektadong Batangueno. Kaugnay nito, nanawagan siya na maging kalmado ang lahat at huwag kalimutan ang manalangin sa Panginoon.

“Sa dami ng kalamidad na dumarating sa atin, marahil isang paraan lang ito ng ating Panginoon dahil ipinapaaalala niya na bago ang lahat dapat ay huwag nating kalimutan ang pagtawag sa kanya. Walang dapat ikabahala dahil lahat tayo ay magtutulong tulong upang isaayos ito at maibalik sa normal ang buhay ng mga naapektuhan.”,ani Mandanas. (BHABY P. DE CASTRO-PIA BATANGAS)

 


Other News

ASEAN declares a stronger civil service
  • April 30, 2017
PASAY CITY, April 30 - President Rodrigo Roa Duterte on Saturday led the heads of the ASEAN Member-States in signing the ASEAN Leaders Declaration on the Role of the Civil Service as Catalyst in Achieving ASEAN Community Vision 2025.  “The declaration highlights the important role of the civil service as drivers of national and regional development towards the achievement of ASEAN goals and aspirations,” Civil Service Commission (CSC) Chairperson Alicia de la Rosa-Bala said. The Philippines initiated the development of the ASEAN Leaders Declaration on the Role of the Civil Service a...Read more
President Duterte to lead Labor Day rites in Davao
  • April 30, 2017
MANILA, April 30 -- President Rodrigo R. Duterte will celebrate Labor Day and lead the May 1 activities in Davao City, Labor Secretary Silvestre Bello III announced Tuesday. “We are honored that the President himself will be gracing our main Labor Day celebration," Bello said. President Duterte will be leading the Labor Day assembly and dialog with workers at the People’s Park in Davao City.      The President, together with labor officials will meet trade union leaders from the national and local federations to discuss and address labor and employment issues and concerns....Read more
DOLE reminds employers of pay rules on Labor Day
  • April 30, 2017
MANILA, April 30 -- The Department of Labor and Employment on Friday reminded employers to strictly follow the holiday pay rules for 01 May 2017, Labor Day, a regular holiday. Labor Day is celebrated to give recognition and honor to the sacrifices and hard work of our Filipino workingmen. Pursuant to Proclamation No. 50 issued by President Rodrigo Duterte on August 16, 2016, the labor department issued the rules prescribing the proper payment of wages for regular holidays. The DOLE mandates the following pay rules to be implemented on Labor Day: If the employee did not work, he/she...Read more
Taguig City to hold Mega Job Fair on Labor Day
  • April 30, 2017
TAGUIG CITY, April 30 (PIA) - The city government of Taguig through its Public Employment Service Office (PESO) will hold a Mega Job Fair on Labor Day, May 1, 2017, from 10 a.m. to 5 p.m. The event will be held at All Home/Vista Mall along Levi Mariano Avenue, along Levi Mariano Avenue in Barangay Ususan.   Interested applicants are advised to bring their resumé and ballpen. For more inquiries, please call Taguig City’s PESO at 398-5411.   The job fair is part of the 430th Founding Anniversary of Taguig City. (TAGUIG PIO/RJB/JEG/PIA-NCR) ...Read more